لولا الملامه وخوفي النـاس يـدرون
لكتب على جـدران بيتـك .. أنانـي
وأنظم قصيده وأجعل القاف مـوزون
فيها مـن الشلفـات فكـر ومعانـي
وابدآ بقصه زلزلـت قلـب مفتـون
عنوانها ( أكبر غلط فـي زمانـي )
قربك وحبك والنظـر فـي هالعيـون
حلم ٍ حلمته وصرت منـه .. أعانـي
وسرّ الهوى من بيننا كـان مدفـون
مـا يعلمـه ياكـود خالـق لسانـي
حسدت نفسي وصرت هايم ومجنـون
وأعطيتك أحسن من مكانـك مكانـي
وحسّنت ظني فيك والشـك مغبـون
ماله مكـان بداخـل القلـب.. فانـي
وأنكرتني يوم ( الزمن ) فاقد النـون
وجرحت في خنجر غـلاك المحانـي
وخليت أطفال المحانـي.. يصيحـون
وأثر البلى في قلبـك اليـوم (ثانـي)
صرت أتلفّت مـن بقالـي بهالكـون
غير السـراب يقـول انـه.. بقانـي
ماغيـر أنـا وقطـرات دم ٍ يهلـون
وفكر ٍ عوج أليـا عزمـت يعصانـي
ليه الوفى والصدق عنـدك يهونـون
ليه الهجـر يقطـع طريـق الأمانـي
وليه الغـدر ويّـآ الخيانـه يهنـون
(شيطـان فكـرك) لاتمـرد وجانـي
ياشيخ انا الغلطان فكره.. ومضمـون
رميت قلبـي بيـن .. يَدّيـن جانـي
ماكفّته جرح المشاعـر ولا حـزون
هدّيت صـروح الحـب داخـل كيانـي
كبّر صغيره وإختلـق شـك وظنـون
حتى مـن النظـره البريئـه نهانـي
أصدر قراره للأسف كـان مشحـون
وخلاني في صفحات سـود وطوانـي
تبي الصراحه ! روح.. ماني بمسجون
والقلـب للـي.. بالمحبـه شرانـي
للشاعر/ أسعد السحيمي
موضوع: ++ ...(لولا المـــلامه )...++ 
الثلاثاء مارس 11, 2008 7:14 am
