{ سـَ كَــرَةْ غَ ــرَاَمْـ ×..!

تعبت أنهي مراسيلـي وأوقّـف خدمـة الجـوال
ألو .. وينك ؟ وش أخبارك ؟ أفكر فيك وآحاتـي

يطوّل إنتظاري لـك وأرد أسـأل علـى المـوال
حبيبي تكفى جاوبنـي .. وأجـر آجـر آهااتـي

سرى ليل الغرام اللي مشى في سكّـة الترحـال
قطع لي تذكـره إنـي أسافـر عنْـك مـا آتـي

سنه غربه / بلا موطن / بلا ملجأ / بلا تجـوال
سنه تسجنـي الذكـرى / وتسلبنـي طموحاتـي

سنه لاميتٍ لاحـي .. ولا حتـى مريـح البـال
سنـه أكتـب مراسيـلٍ لعـل تخـف مأساتـي

يضيع النور مـن عينـي وأرد أتبّـع الأحـوال
هنا قال وهنا قلت .. وهنـا بـدء إحتضاراتـي

هنا أول لقا صامت .. هنا تبكـي علـي جبـال
هنا ترحمني الغربه .. هنـا تصغـر مساحاتـي

هنا نفس المكان اللـي ضحكنـا فيـه كالأطفـال
بقايا ضحكتك تشكـي بقايـا صـوت ضحكاتـي

قصر مهجور ماكنـه قبـل عـامٍ يسـرّ الحـال
لفاه إعصارٍ ودمـرّ وجـودي فيـه / لمساتـي

مكانٍ موحش بدونك .. سجينٍ ماعرفـت أحتـال
على حزن إغتصب قلبي سرق كـل إبتساماتـي

تركني كالطفل تايـه وسـط تشعيبـة الأدغـال
تركني أنتزع صرخه / أسابق خـوف خطواتـي

تركني حشرجه / غصه / تركني قمـة الإهمـال
يا حظي ليه.. ؟ أنا أسأل .. ولا ألقـى إجاباتـي

أدور مـا بقـى منّـك حزيـنٍ والليـال طـوال
أحس الوقـت يتمغـط .. سنـه آعـدْ لحظاتـي

بلاني ما بلى غيـري / تراتيـل الغـرام أشكـال
وله مثل الفنـا سكـره تعيـش بقعـر كاساتـي

جمل تكثر سكاكينـه .. يطيـح بكثـرة العـذال
كلام يطـول حبـي لـك ويحرقنـي بشمعاتـي

لو إنّ القلب مـا حبـك تـرى ماعلّـق الآمـال
ولا فتّـش بألبومـه صـور تبعـث مسـراتـي

أشوفك تلتفت عني وأعـرف إنّ الهمـوم ثقـال
وأنـا تأسرنـي الدمعـة وتفضحنـي كتاباتـي

عقيمه دنيتـي لأنـك قطعـت بيـدّك السلسـال
نزعت الشوف من عيني / غرست البُعد في ذاتي

كِثَر صدك ، نفذ صبري وأنا أدور نقاط وصـال
رضيت فراقك ولكن أبـي تسمـع وش الآتـي :

تعبت أسألك وش حالك / أروّح يمّـك المرسـال
بوقّف خوفي بحده ... نويـت أختـم بطولاتـي

نويت أكتبك للذكرى .. نويـت أحطّـك التمثـال
نويت أجعل مراسيلـي طريـق آخـر محطاتـي

’,