لا...فـديتـــك...هذا بيتك...!!

(( ( لا...فـديتـــك...هذا بيتك...!! ل عبدالكريم المهنا ) ))
(1)
لاياعمري...
من يقول إنك غريبة
وأنت لعيوني حبيبة ...؟!
لا فديتك...
هذا بيتك...!!
جعلها تفقد نظرها...
لو تقول إنك غريبة...!!
ضمتك تسوى سواد عيونهم...
خلي عنك حكيهم...!!
ماعليك...
قلبك الطاهر...قهر لقلوبهم...!!
أنت ياكل الهوى...
ضمة عيونك دواء...
بس شيليني بقلبك...
وقلبي لعيونك بجيبة
لا فديتك...
من يقول انك غريبة...؟!
الغريب اللي يقولة...
وأنا أقول إنك حبيبة...
وقلبي بيتك...
إي فديتك...!!

(2)
شدي يدي...
بموت من برد الجفى...!!
وأنتي بكفوفك جمر
وأنا بكفوفي بَرَد...
وفي عيوني خوف
وأنتي بعيونك وفى...!!
والهوى قاسي...
وضحكتك كيفي و كاسي...
والهوى هم...
ومآسي...
بس أحس إنه دفى
وانا جفني ماينام...!!
ياكله حد السهر....
وجفن عينك بالهوى
نام...وغفى...!!
وش حلاته...!!
وأنا فميء ما روى...
والظماء شقق لهاته
وكله أحلام...وغرام...!!
وأنا أتمتم ياسلام...
والهوى...هم
وأنا مجنون الهوى...
مالي دواء
وكلي جروح...ومابقى دم...!!
بس أنوح
وانثر دموع الأسى
والزمان اللي تبسم لجل عينك
أنا لعيوني قسى

(3)
وذابت شموعي ألم...
وانتهى حبر القلم...!!
وشابت حروف الهجاء
مابقى إلا...
حرف حاء.....وحرف باء....!!
إن قريتيهم كذا...كلهم حُب وحلا
وإم قلبتيهم
فصوتي بح من قولة هلا...
وقلبي لك حبا...!!
ومات حلمي في غلاك
وأنتحر فيك الرجاء
ماشرب قطرة حلاك...!!
ودمعتي طاحت على خد الوله
منك ياحلو النبا...!!
وإنكسر كاس الهوى لي مرتين
وضاع عمري في رجاك
بس لعل...وعسى...!!

(4)
والهوى هم...!!
ومجون
وأنا أتعبني الجنون
بس أهذري بك
وأغني...!!
والبكاء لعيني يمون...!!
وأشتكي للي عذلني...
إن تفهم عشقتي زين...
وإن عذلني فيخسى...!!
وأنتِ في عيني عيوني...
ووسط قلبي أنتِ قلبي
وأنتِ لإحساسي مشاعر
وأنا لجلك صرت شاعر
لك بقلبي ألف سيرة
وللغلا ديرة...
وديرة...!!
أنتِ زاده بالسفر...
هو نسى...؟!
لاوربي مانسى...!!

(5)
وأنتي لعيوني نهار...
وشمس...
ونور صبح
وفرحة أحلام
وأماني
وإن تعبت أنتِ مساء...!!
مركب أشواقي يتوه
والبحر كله وجوه...
وأنتي لي ضحكة لقاء...
مايغيرها السفر....!!
ولايموتها القهر....
والمشاعر لو تجف...
اللي بقلبك بقى...!!
وأنتي لقلبي يمين
وأنتي لقلبي شمال
وأنتي أُمه في هواه
وأنتي بالفرحه أبوه
وأنتي لسنينه عمر...!!
في رمل شطك رسى...!!
ومن يقول إنك غريبة
وأنت لعيوني حبيبة ...؟!
لا فديتك...
هذا بيتك...!!
جعلها تفقد نظرها...
لو تقول إنك غريبة...!!
لافديتك ياحبيبة