البارحه جانـي خيالـك وطاريـك

البارحه جانـي خيالـك وطاريـك
ولا فيه ليـلٍ ماسهرتـه بدونـك
انتي حياة القلب والقلـب شاريـك
والحب في طول الليالـي زبونـك
لامرني طيفك على طـول اغنيـك
واحلى قوافي الشعر دايم يجونـك
لجلك كتبت احسن بيوت الشعر فيك
قصايـد بـنـدر وقلبـه يبونـك
ياغايتـي يامحـلا مسـك اياديـك
وضحكتك لاقامت تبيـن سنونـك
يقولها شخـصٍ يعـزك ويغليـك
وقلبه على طول الليالـي يصونـك
ترتاح روحي يوم تسمع حكاويـك
ويرتاح قلبي يوم يسمـع لحونـك
مافي العذارى كلهم مـن يساويـك
ولاعاش من يرفع نظره بعيونـك
كل العرب تدعس عليهم مواطيـك
وكل العـرب ياجعلهـم يفتدونـك
ربي بطيبك مـع جمالـك محليـك
وجنون حبي زايـدٍ مـع جنونـك
لو امدحك مليون مـاراح اوفيـك
ولاقدر اعيش العمر كلـه بدونـك